Deputeti i Lëvizjes Besa, Fadil Zendeli sot në konferencë për shtyp tha se pret shumë nga PSP, jo si politikan por si qytetarë.

“S’jemi të kënaqur dhe për në disa raste ka pasur qasje përzgjedhëse. Kishim ndjenjën se nuk kishte qasje të njëjtë ndaj aferave. Ne si Lëvizja Besa, do të mbështesim zgjidhje që lufton korrupsionin. Nuk është vetëm ta mbështesin si pro-reformë, presim funksionalitet” tha Zendeli, përcjell Telegrafi Maqedoni.

Ai shtoi se duhet të vendosen njerëzit e duhur në këtë pozicion dhe të japin kapacitetet maksimale në luftimin e korrupsionit.

Në pyetjen nëse përzgjedhje ka të bëjë me funksionarët nga BDI, Zendeli përsëriti se nuk ka të bëjë me ato por se pret të mos ketë përzgjedhje për asnjërin.