Kandidatët për president të Republikës së Maqedonisë së Veriut Blerim Reka, Stevo Pendarovski dhe Gordana Siljanovska-Davkova, sot në hapësirat e Komisionit Shtetëror Zgjedhor (KSHZ) do të nënshkruajnë Kodeks për zgjedhje korrekte dhe demokratike.

Siç është kumtuar, ngjarjen e organizon Komisioni Shtetëror Zgjedhor në bazë të nenit 8-të të Kodit zgjedhor.
Fushata për zgjedhjet presidencial fillon prej nesër, 1 prill dhe përfundon më 19 prill në mesnatë. Rrethi i parë i votimit për zgjedhjet presidenciale do të mbahet më 21 prill, ndërsa i dyti më 5 maj.