Presidenti i Serbisë, Aleksandar Vuçiq ka kthyer përgjigje pas deklaratës së sotme nga eksperti amerikan Daniel Serwer.

Presidenti i Serbisë, Aleksandar Vuçiq ka thënë se është i gatshëm për kompromis në zgjidhjen e problemit të Kosovës.Por, ai ka insistuar se nuk është i gatshëm që Beogradi të jap gjithçka, e të mos fitojë asgjë.

Ai I u përgjigj deklaratës së Daniel Serwer, ekspert amerikan për Ballkanin nga Universiteti Xhon Hopkins në Uashington se Vuçiq nuk është i gatshëm për kompromis historik.“Unë jam i gatshëm për kompromis, por nuk jam i gatshëm që ne të japim gjithçka, e të mos fitojmë asgjë. Atë film le ta harroj edhe ai edhe të gjithë të tjerët”, deklaroi Vuçiq për mediet serbe.

Vuçiq ka thënë se gjatë javës do të bisedojë edhe me serbët nga Mali i Zi për gjendjen e tyre.

“Çfarë i kemi bërë ne vetes në periudhën 2005, 2006…? Por, do të shohim se si tani mund t’i ndihmojmë popullit tonë duke mos ndërhyrë në punët e një shteti tjetër”, shtoi ai.